in

Sputnik V | ‘या’ लसीला DCGI ची मंजुरी, लवकरच वापर होणार सुरू

गेल्या काही दिवसांपासून देशातील अनेक राज्यांतून करोना लसीच्या तुटवड्याच्या तक्रारी येत होत्या. लसीच्या कमतरतेमुळे अनेक ठिकाणी लसीकरण केंद्रही बंद करावे लागले होते. रशियाकडून विकसित करण्यात आलेल्या ‘स्पुटनिक व्ही’ या लसीला तज्ज्ञांच्या समितीनंतर ‘ड्रग कंट्रोलर जनरल ऑफ इंडिया’ अर्थात ‘डीसीजीआय’कडून परवानगी देण्यात आलीय, अशी माहिती ‘रशियन डायरेक्ट इन्व्हेस्टमेंट फंड’कडून देण्यात आलीय. याचसोबत ‘स्पुटनिक व्ही’ या लसीला मान्यता देणारा भारत हा ६० वा देश ठरलाय.

‘डीसीजीआय’कडून सोमवारी रात्री उशिरा कोविड १९ विरुद्ध लढण्यासाठी तयार करण्यात आलेल्या ‘स्पुटनिक व्ही’ या लसीच्या आपात्कालीन वापराची मंजुरी देण्यात आलीय.

सोमवारी, केंद्राकडून लसीसंदर्भात नेमण्यात आलेल्या भारतीय तज्ज्ञांच्या समितीनं ‘स्पुटनिक व्ही’ लसीच्या आपात्कालीन वापराला हिरवा कंदील दिला होता. भारतात भारत बायोटेकची ‘कोव्हॅक्सिन’ आणि सीरम इन्स्टिट्युट ऑफ इंडिया – ऑक्सफर्ड-एस्ट्राजेनेका विकसीत ‘कोव्हिशिल्ड’ यानंतर ‘स्पुटनिक व्ही’ ही तिसरी लस कोविडचा मुकाबला करण्यासाठी वापरण्यात येणार आहे.

‘रशियन डायरेक्ट इन्व्हेस्टमेंट फंड’ या लसीच्या वितरणासाठी भारतात डॉक्टर रेड्डीज लॅब आणि ग्लँड फार्मासहीत एकूण पाच कंपन्यांसोबत करार केला आहे.

What do you think?

Written by Lokshahi News

Comments

Leave a Reply

Your email address will not be published. Required fields are marked *

Loading…

0

कुंभमेळ्यात १०२ भाविक निघाले कोरोना पॉझिटिव्ह

सलग तिसऱ्या दिवशी रुग्णसंख्या दीड लाखांहून अधिक